薑餅 Cherubim the Ginger

<一個人勇敢飛勇敢追>
薑餅,喜歡唱歌的護士學生,也是獨立音樂人,生活十分忙碌但仍然努力追夢,希望用生命影響生命。

曾在市集,餐廳和學校等場地駐唱演出接近50場,也曾三度在台灣cafe演出,兩年前開始做Busker,出沒多在中環、尖沙咀等等。

2018年初,與地底樂團合作的首支原創曲<努力>面世,已發佈至各大音樂平台。其後也有寫一些原創曲。包括 《和好》和《觸夢》。

6月中與好友舉辦了小型音樂會,亦在當日發佈新原創歌曲<觸夢>。

平日喜歡旅行和跑步等戶外活動。

Ig : cherubimtheginger
Fb :https://m.facebook.com/hoiwun.chiu

觸夢 詞/曲/唱 :薑餅

Verse1 前路   或許你找不到 夢想
或許你觸不到 成就
或許你得不到

Verse2 實踐   到底要怎麼去 腦袋我心
已很累 行走感到  寂寞空虚

Prechorus 疼我的人  當這開玩笑 身邊的人
前途滿希望 意志堅強  燃點火光

Chrous 心中想法  勿放袋 掩蓋 光陰機遇要

把握  去闖 執筆啓程 不要踱步
Bridge Be brave to do it Act on not dream it
(da la de da da da) Be brave and
believe Act on and dont stop
Rap Yo yo yo here we go!

人地講夢想 我又黎講下夢想
係香港地實踐 真係無齋講咁易
呢個制度嘅限制 搞到我地好弊蟻
但青春呢場雨 真係話咁快就完。
雖然行咗呢條路, 係會有好多跌倒,
但就算企住訓住跪住走 都要堅持去做

因為過程嘅收獲係唔會想像得到
所以就算幾辛苦,
都唔好比others低估。
最緊要係咩   最緊要係咩野 就係你嗰棵怱
就係你地嗰初衷 仲要同自己講聲 i am not alone.
再同隔離個個講聲
you are not alone.
Hey hey hey You are not alone
You are not alone Hey hey hey
You are not alone You are not alone

    Sofina Lam

    “今天等我來,就讓這游子的心寫出好題材……令到相識不多的這主題變精彩。”早兩日聽返陳奕迅這首《今天等我來》,發現呢兩句好似講緊小偏咁。
    人海茫茫,好多人都有相似嘅共通點,但如果細心去留意,每個人都有獨特之處。好似做咗空姐三年嘅Sofina Lam咁,佢同好多女仔一樣,鐘意笑、大頭蝦、鐘意食野;無論打邊爐、大排檔、車仔麵 壽司,咩都食。但唔同嘅係佢唔好甜品,直頭唔鐘意食甜野。
    Sofina 亦係好努力工作嘅人,但賺到錢唔花享買名牌手錶、手袋或靚衫,而係儲埋一次過買架dream car,享受駕駛樂趣。至於將來,佢希望有自己嘅鋪頭,做下小生意。
    https://www.instagram.com/sofinalam

    Samantha

    繼續介紹2018年度港姐12強——碩士畢業生Samantha李明芙。佢矯小玲瓏,好似一粒小跳豆,充滿活力;嗜好Zumba舞、中國舞、溜冰、單車、羽毛球,行山同健身。佢鍾意刺激挑戰,發掘好奇新事物。

    Samantha亦都有感情豐富嘅一面,容易笑容易喊,亦會畫畫、唱歌、聽音樂、觀賞電影及電視節目。

    選美之後啱啱踏入娛樂圈嘅Samantha,有好多新嘗試,佢珍惜呢啲機會,努力去學習,希望將來成為一個全面嘅藝人,有自己嘅代表作。

    https://www.instagram.com/s_lizzzz6

    Krissi Cristina

    美泰混血兒Krissi Cristina,係全職模特兒兼英泰語文導師。佢響加州出世,嚟咗香港工作三年半。佢覺得呢度節奏好快,同時亦欣賞人們勤力有衝勁,地方細細包含多元文化,生活便捷。

    Krissi用咗一年時間適應香港嘅步伐,而家學緊廣東話,希望更加融入社會,以此為家。佢笑話返曼谷探親嘅時候,發覺自己已經無辦法接受以前嗰種輕鬆嘅節奏。

    Krissi係一個典型巨蟹座女生,有少少怕醜,人緣唔錯,享受同家人好友相聚嘅歡笑時光。無論幾忙都好,佢每晚都會爭取時間出去散下步,放空自己。佢冇乜奢求,只渴望簡單嘅生活,認為只要可以食想食嘅嘢,間中有機會到外地走走看看,就已經好幸福。

    吳堯堯yoyo

    吳堯堯yoyo

    吳堯堯(英語:Ng Yo Yo ,原名吳巧垚,外號: 仙樂都 1981年6月2日-), 模特兒出身香港性感女藝人, 網絡電台香港人網節目《星期5冇女》內飾演仙樂都一角,中泰混血兒,於YouTube影片點擊率數以百萬計。 曾推出4本個人寫真集 第1本,2012年 Joy YoYo 第2本,2013年 YoYo Born To Be… 第3本,2014年 Joy YoYo @ Phuket 第4本,2015年 Joy YoYo @ Phuket珍藏版

    Kiwi

    Kiwi雖然愛逞強、行事飄忽、又帶點固執,但其實好清楚知道自己做緊乜,同時亦坦蕩蕩咁面自己。最近成為《美女廚房》學徒嘅佢,除咗唱歌演戲同煮下嘢食,亦鍾意游水同打羽毛球。佢對未來無詳細計劃,認為只要做好目前嘅事情,自自然然會步向自己認為最舒服同滿足既生活方式。

    FB: 程美段 kiwi https://www.facebook.com/%E7%A8%8B%E7%BE%8E%E6%AE%B5-kiwi-…/

      Agnes

      Agnes嘅主要工作包括外拍、平面廣告,電視、電影同微電影等。響靚麗外表之下,充滿商業觸角同執行力。幾年前佢注意到台灣盛行嘅民宿生意,認為在吉隆坡大有可為,就自己一手一腳攪咗一間。雖然規模唔係好大,但生意都唔錯。早排缺人,交匙、執房都會自己頂埋,認真親力親為!
      https://www.facebook.com/agnes0805

        Toby

        Toby Chan係一個自由工作者兼Graphic designer,嗜好畫畫同彈琴,亦好鐘意動物。由於呢幾年成日幫朋友照顧唔同嘅寵物,對應付各種情況好有經驗;響朋友嘅鼓勵下,做咗pet sitter。

        Toby同友人響將軍澳合辦咗個有關流浪貓狗慈善活動,叫《New Life插畫/攝影展》,透過影象紀錄浪浪被領養前嘅狀況,義工們照顧嘅日常,希望令大眾關注有關資訊。同場仲有工作坊同義賣,藉此籌募照顧浪浪所需經費。
        https://www.instagram.com/xx_tobychan_xx/

          Kendy

          佢係Kendy張敬仁,一個有自己想法嘅女仔。佢係2013年港姐選美唯一無簽TVB,靠自己勇闖娛圈嘅決賽入圍佳麗。冇大樹遮蔭,就必需更加努力。呢幾年佢演出過唔少電影、電視劇、舞檯劇,無論響演技同歌藝都不斷有進步同突破,備受大家關注。

          FB: Kendy Cheung 張敬仁
          ig: @kendy_cheung https://instagram.com/kendy_cheung?utm_source=ig_profile_share&igshid=20mearvw0vpp

            Kiko

            真正嘅Kiko為人感性,會因一首歌而落淚,為一部戲而傷感。佢嗜好廣泛,包括羽毛球、游水、跑步、行山、踩單車。中學時期已經對戲劇有濃厚興趣,所以讀咗演藝嘅舞台表演,再入埋藝員訓練班,成為TVB藝員。佢嘅理想係將來有自己嘅代表作,為廣大觀眾認識,並肯定自己嘅實力。

              Jan

              澳洲Macquarie University工商管理系畢業嘅Jan,口才了得,腦筋轉數快,精通兩文三語。2012年返港加入香港電視網絡,拍咗多套劇集,其中在《大眾情性》主演性治療師Dr. Mok,充分駕馭專業又複雜嘅對白,已經備受關注。後來參加港姐,輾轉成為TVB藝員,並憑《愛.回家之開心速遞》秘書Mandy一角而深入民心。
              https://m.facebook.com/missjannytse

                Ena

                2006年參加亞洲小姐後成為藝員嘅Ena,性格斯文溫婉、有愛心,係個感情豐富嘅樂天派。佢喜歡藝術、戲劇、美學、烹飪、音樂、舞蹈、繪畫同寫作。2014年離開電視台之後,轉戰舞臺劇界,希望成為一位好演員。

                  Emily

                  Emily永遠都掛著陽光般嘅燦爛笑容,甜美得令人個心都融化。佢嚮往簡單嘅生活方式,平時鐘意曬下太陽、響後花園種下菜,煮下野食。佢珍惜同家人一齊嘅時光,有時間會去下旅行,影好多好多靚相。

                  早年同屋企人移民美國嘅Emily,細個已經立志做香港小姐,並喺前年隻身返港參加港姐選美,贏得季軍並代表香港參選世界小姐。上年卸任之後,佢踏上另一個夢想之旅——返加州開展時裝設計嘅工作,理想係創立自家品牌。

                  ig: @emilyvickiewong